عروس توجه رسالة قوية لزوجها وأصبحت ترند على مواقع التواصل الاجتماعي

العروسة دى ف يوم كتب كتابها والمأذون بيديها تمضى ع زواجها من عريسها سابت القلم فجأه ووقفت عن الإمضا لحد متقول كلمتين موجهين لعريسها ع الملأ وقدام الكل وقالتله بكل عنجهيه أنا واثقه فيك إنك هتكون خير الزوج وأحسن إنتصاراتى ولكن هطلب منك طلب إنك تشيل أهلى ف عينك والصغير قبل الكبير وأمى ثم أمى تشيلهم ف عينك" ..

- جميل إن العريس أو العروسه يوصى التانى على أهله واللى مُنه ولكن المسائل دى ديماً بتبقى ليها حساسيه ومن الذوق إنها بتبقى بين الزوج وزوجته لوحدهم ف السر مش ع الملأ علشان محدش يبقى محل إحراج ومُحرج .. والطريقه اللى قالت بيها العروسه كانت كإنها أمر ورَهنت إمضتها على الزواج لحد متقول طلبها اللى من غيره مكنتش مضت .. !!
- ياجماعه التوصيات والنصائح والطلب مبينكم وعمرها مكانت على الملأ لإن الزوج والزوجه بالأخص سرهم وطلباتهم زى القبر متطلعش وبين بعض وسهل جداً حد فيهم يقول موافق ويرجع ف كلامه بعدها ..
- الشيخ ابو اسحاق الحويني في يوم راح يزور صديق ليه .. لقاه بيعيط .. قاله بتبكي ليه ؟! الراجل قال للشيخ مراتي مريضه يا شيخ عندها برد .. ف الشيخ بيقول الراجل نزل من نظري ! ازاي يعيط علشان مراته عشان عندها برد !! فقاله : والله يا شيخ مراتي دي عمري ما هلاقي زيها ابدًا .. كانت عايشه ف بيت اهلها عيشة الملوك احسن اكل واحسن شرب وجت عندي في فقر مبتاكلش لحمه غير مره كل شهرين !! وابوها ف يوم قابلني وقالي اتق الله في نفسك ومراتك كفايه تبذير !! مراتك كل لما تيجي عندي ونقدملها فاكهه ولحمه تقول زهقت من اكل الفراخ واللحمه وعايزه تجدد و تاكل عيش وجبنه وبتقول انت بترفض تجيب غير لحوم !! اتق الله وامسك ايدك شويه .. وانا بسمع كلام ابوها ومذهول !! ازاي هي تقول كدا ؟! دا انا معيشها ف فقر !! .. الست دي يا شيخ كانت سرى وعمرها مطلعت أمر ولا سر مبينا بره وإتحملتنى علشان كدا ديماً ميزة الجواز الأسرار مش الملأ ..

وقد أثار شرط عروس أثناء كتب كتابها بأن زوجها يحترم أسرتها وخاصة والدتها ويضعها في عينيه كما هي ستفعل بأهله، غضب رواد موقع التواصل الإجتماعي "فيس بوك" وتأييد الأخرين .

قالت العروس أثناء عرض شرطها على زوجها "هطلب منك طلب تشيل أهلى في عيونك زي ما أنا هعمل.. انا عارفة انك ابن حلال وتكون سند بس مع احترامي لأهلي كلهم .. أمي ثم أمي ثم أمي .. خلي بالك منها" مما فجر على هذا الفيديو تعليقات الكثيرين ما بين مؤيد والأخر معارض لهذا الشرط وجاءت التعليقات كالأتي: قال أحد رواد الفيس بوك: "كله كلام بيضحكوا علينا بيه بعد الجواز اهلك اللي بيخربوا عليكي ومترحش عندهم ولا هما عندها واهله هما اللي خايفين على مصلحته بس ومراته دي عدوته اللدوده" وتابع الأخر:

"راعي ربنا فيه وهو يراعي ربنا فيكي ده الأهم" وتابعت أخرى "اسلوبها مستفز جدا وطريقة كلامها مش كويسة أساسا الشروط إللي بتتكلم فيها دي ملهاش علاقة بالعقد هو لو متربي وابن ناس هيحترمها ويحترم أهلها ولو غير كده هيبهدل كرامتها وكرامة أهلها وساعتها مش هيفتكر الشروط دي أصلاً" وجاء تعليق أخر "تبقى تقابلني لو عمرت في الجوازة دي ... حتى مش محترمة الراجل الهزؤ اللى رباها ... وقاعدة تبجح وتتكلم كأن مفيش حد مالي عينها ... ولا حتى عديم الشخصية اللى مختاراه". "يا عزيزى لا يرفع سعر الخيول إلا السباق ، ولا يرفع قدر الرجال الا المواقف" "طلاقها خلال شهرين بالكتير مفكرة نفسها شجرة الدر هتاخد بالقباب من جوزها وأهله".