مفاجآت التحقيق مع غادة والي بعد فضيحة الرسومات المسروقة

التحقيق مع غاده والي بعد فضيحة الرسومات المسروقة :

-ايه ردك على التهم المنسوبه اليك انك سرقت التصاميم الخاصه بفنان روسي ونفذتيها في محطة مترو كلية البنات ؟؟
- اللي حصل اني اتكلفت بالامر المباشر بعملل تصاميم محطة المترو وانا عملت سيرش ع النت لقيت تصاميم مناسبه بس يونانيه عدلت فيها الالوان و الملابس عشان تناسبنا ونفذتها علي ورق لاصق واتلزقت في المحطه

- يعني انت معترفه انها مش من تصميمك وسارقاهم؟؟
- الكلام ده مبالغ فيه جدا ... احنا من دول العالم التالت ومحدش بيدقق معانا ...مثلا العشره الجنيه الجديده منقوشه بالظبط من الاسترليني ومحدش اتكلم
-بلاش كلام في السياسه
-طيب سيبك من السياسه ... معظم الافلام والاعمال المصريه الناجحه كلها منقوله من اعمال اجنبي...
عادل امام اكتر ممثل عمل ايرادات في مصر تقريبا كل افلامه منقوله من افلام اجنبي حتي فيلم الفنكوش منقول بالكلمه من فيلم ل روك هيدسون ...
محمد عبد الوهاب الملحن والمطرب الرسمي للدوله لمدة 50 سنه معظم الحانه مسروقه
وهو معترف بكده
- قصدك ايه مش فاهم؟؟ وفين حقوق الملكيه الفكريه ؟؟؟
-قصدي انه عادي في الدوله اللي زينا النوع ده من الاستعاره و الاقتباس...
تفتكر شركة اديداس مثلا ممكن ترفع قضيه علي مصانع التيشرتات المضروبه اللي بتتباع في وكالة البلح ومكتوب عليها اديداس؟؟؟
-الناس بتتهمنا بقتل الابداع والمبدعين
-ايوه حضرتك احنا منقدرش علي تمن المبدعين
-يعني ايه؟؟
- يعني احنا بنشوف من اهل الثقه اللي عنده حس فني ممكن يخدمنا .. انما لو عايز مبدع وفنان حقيقي انت مش هتضمن ولاءه ...صدقني الاقتباس او السرقه زي ما بتقول ارحم بكتير من انك تفتح الباب لمبدعين بجد
- طيب وسمعة مصر ؟؟
- سمعة مصر متاثرتش بالاعلان عن جهاز بيحول فيرس الايدز ل كفته، و هتتاثر بشوية رسومات في محطة مترو ؟؟؟؟
- الفنان الروسي عامل دوشه جامده
- يبقي حضرتك شوف مين بلغه وحقق معاه هو ده المجرم الحقيقي مش انا
- طيب انت كمان متهمه بسرقة رسومات بنات معاك في الجامعه ونفذتيها في افتتاح طريق الكباش ونسبتيها لنفسك
- وحضرتك تفتكر لو مكنتش انا اخدتها كانت الرسومات دي حد هيشوفها؟؟ دي بنات جاحده ... المفروض يشكروني لاني خليت رسوماتهم العالم كله يشوفها
- والفلوس اللي اخدتيها ؟؟؟
- فلوس ايه اللي اخدتها؟؟؟
-مكتوب هنا تم صرف 140 مليون جنيه
-حضرتك خليك دقيق...تم صرف 140 مليون جنيه انما انا اكيد ماخدتش المبلغ ده
- امال مين اخدهم؟؟؟
- ههههه انت عارف مين
-طيب يا غاده يا ريت تبعدي عن العيون اليومين دول لحد مؤتمر الشباب الجاي ..مش عايزين شوشره
- انا كده كده كنت مسافره المالديف الصيف كله
- مع السلامه
- في رعاية الله

وكان فنان روسي قد قال عن سرقة مصممة للوحاته بمترو كلية البنات: لا تمثل مصر القديمة

حالة من الجدل أثارتها اللوحة الفنية المستخدمة في محطة مترو “كلية البنات”، لمصممة الجرافيك غادة والي، أولها أنها تجسد نظرية “الأفروسنتريك” بتجسيد الفراعنة باللون البني الداكن والأسود غير المعهود، بالإضافة إلى تداول العديد من الفنانين التشكيليين وصف للتصميم بأنه مسروق من أعمال الفنان الروسي “جورجي كوراسوف” صاحب اللوحات التكعيبية التي تحمل هويته.
تصميم مترو “كلية البنات” المسروق


حاولنا  التواصل مع مصممة الجرافيك المصرية غادة والي ولكن لم يتم الرد أو إيضاح الفلسفة العامة للتصميم وحقيقة أنها مستوحاة من أعمال كوراسوف.
ينفرد الفنان الروسي"جورجي كوراسوف" بابتكاره لوحات تجريدية عن النساء باستخدام ألوان جريئة، وأشكال هندسية، تتسم كل لوحة بالطاقة واللون، تُذكرنا هذه الصور بنظيرتها التي تُرى في “المشكال” - أداة بصرية ذات سطحين عاكسين يظهرهما كأنهما جزء واحد باستخدام مجموعة من الأشكال الهندسية.

وأوضح الفنان الروسي “جورجي كوراسوف” حقيقة سرقة رسومات من أعماله الفنية، وقال  في أول حوار له بشأن هذه اللوحات: “تم استخدام 4 من لوحاتي في هذا المشروع وهي موجودة في الموقع الخاص بي في قسم الأصول المباعة".

وعن هذه اللوحات، أوضح أن ثلاثة منها مباعة بأرقام 38 لعام 1995، ورقم 116 لعام 2001، ورقم 168 لعام 2005 ، والرابعة ما زالت متوفرة تحمل رقم 212 لعام 2012 بقسم الأصول المتوفرة.

جورجي كوراسوف يوضح حقيقة سرقة أفكار لوحاته

وصرح عن اللوحة المستخدمة في محطة مترو “كلية البنات” مستوحاة من لوحة رقم “38”، ولكن هذه اللوحة ليست عن مصر القديمة بل هي عن اليونان القديمة، ويقول أنه في هذه اللوحة تم رسم “زوجة بينلوب” في ملحمة “هوميروس”.

وجاء رسم اللوحات الأربعة بألوان زيتية على قماش، أما اللوحة رقم 168 فهي عن الرقص المصري من سلسلته “International Dancing”.

وعن تصميم لوحة “مترو كلية البنات” المستوحاة من أعماله دون نسبها إليه، قال: “لا أشعر بالأذى لأنهم استخدموا اثنين من أعمالي، لكنهم لم يذكروا اسمي.. أتمنى إيضاح الأمر”.

سريالية الفنان الروسي جورجي كوراسوف

يروي كوراسوف رحلته الفنية، إذ عمل في الأصل كنحات، ثم استمر في استكشاف موهبته في الرسم وعلى الرغم من أن البعض يخطئ في فهم أسلوبه التكعيبي، إلا أنه يلتزم بفلسفة وجماليات العمل الفني الجديدة التي طبقها، كما أوضح.

تؤكد هذه الحركة ، التي نشأت في أوروبا الشرقية، على الهندسة غير التقليدية والخطوط المتقاطعة وحرية التعبير، كذلك يستخدم كوراسوف مبادئ البناء الجديدة في لوحاته من خلال تصوير الرجال والنساء في شكل مجزأ.

لا يؤدي هذا النهج إلى تشويه أجساد موضوعه إلى أبعاد متباعدة فقط، بل إنه يخلق أيضًا إحساسًا سرياليًا بالفضاء، وتخلق الأجزاء ذات الألوان المختلفة منظورًا مختلفا يتم فيه ظهور الأشخاص بشكل ثنائي الأبعاد وتجعل هذه الاختيارات لأسلوب كل عمل من لوحات كوراسوف تجربة ساحرة.