تعرف على قيمة راتبك حسب درجتك
مبروك لكل المعلمين كلها أيام وستقبضوا الزيادة الجديدة التي أعلنتها الحكومة في المرتبات، لكن بالطبع هذه الزيادة ستختلف من درجتك كمعلم يعني المدرس غير المدرس المساعد وهكذا.فياتري الزيادة دي هتقبضوها امتى بالظبط؟ والزيادة قد إيه ؟ وإزاي تحسب مرتبك الجديد حسب درجتك الوظيفية؟
قرارات الحكومة بشأن الزيادات المالية
قرارات مهمة أعلنها السيسي خلال الأيام اللي فاتت بخصوص مرتبات ومعاشات العاملين في الجهاز الإداري للدولة منها زيادة 1000 جنيه في مرتب كل موظف لسة في الخدمة، وزيادة 15% لأصحاب المعاشات، واخيرا زيادة 25% لأصحاب معاش تكافل وكرامة تحديدا.وكتير من المعلمين المعينين بوزارة التربية والتعليم حاليًا، بيسألوا عن نسبة الزيادة الجديدة في المرتبات اللي أعلن عنها الرئيس عبد الفتاح السيسي وموعد تطبيقها.
ولو انت مش عارف فزيادة حافز الأداء للمعلمين بالتربية والتعليم والأزهر الشريف هتكون بمبلغ ٣٠٠ جنيهً، وزيادة حافز الجودة لأعضاء هيئة التدريس بالجامعات والمعاهد والمراكز البحثية هتكون بردو ٣٠٠ جنيهاً شهريا.
مش بس كده ده كمان الرئيس حدد الحد الأدنى لإجمالي الزيادات المقررة للعاملين بالدولة وأصحاب الكادرات الخاصة وإنها متقلش عن ألف جنيه شهريًا وهيبدأ تطبيقها من شهر أبريل الجاي.
طيب كدة المدرسين هيقبضوا كام بظبط بعد الزيادة؟
هقولك ياسيدي لو انت معلم مساعد هتاخد 5000 جنيه شهريا، ولو معلم أول هتقبض 5500 جنيه شهريا، والمعلم أول ( أ ) هتاخد 6000 جنيه شهريا، أما بقى حاملي درجة الماجستير فهيقبضوا 6000 جنيه شهريا.وخلى بالك الحد الأدنى لإجمالي الدخل للعاملين بالدولة لشاغلي الدرجة السادسة وما يعادلها هيكون بـ٣٥٠٠ جنيه شهريًا، أما الدرجة الثالثة التخصصية بـ 5 آلاف جنيه، و٦ آلاف جنيه لحملة الماجستير من شاغلي نفس الدرجة، و٧ آلاف جنيه لحملة الدكتوراه.
وسيتم استقطاع نسبة للمعاشات ونسبة لضريبة الدخل
تعليقات
إرسال تعليق
اكتب تعليقك أو إذا كان لديك أي استفسار